حنظلة يعرف بنفسه

من طرف **الكنعاني** 2010-02-12, 15:38

حنظلة يُعرّف بنفسه...

عزيزي القارئ اسمح لي ان اقدم لك نفسي .. انا وأعوذ بالله من كلمة أنا ..
اسمي : حنظلة ، اسم أبي مش ضروري ، امي .. اسمها نكبة وأختي الصغيرة فاطمة ..
نمرة رجلي :ما بعرف لاني دايماًً حافي ..
تاريخ الولادة : ولدت في (5 حزيران 67)
جنسيتي: انا مش فلسطيني مش أردني مش كويتي مش لبناني مش مصري مش حدا .. الخ ،باختصار معيش هوية ولا ناوي اتجنس .. محسوبك انسان عربي وبس ..

التقيت بالصدفة بالرسام ناجي .... كاره فنه لانه مش عارف يرسم .. وشرحلي السبب .. وكيف كل ما رسم عن بلد .. السفارة بتحتج ..الارشاد والانباء ( الرقابة) بتنذر ..
قلي الناس كلها اوادم .. صاروا ملايكة .. وآل ما في أحسن من هيك .. وبهالحالة .. بدي ارسم بدي اعيش .. وناوي يشوف شغلة غير هالشغلة ..
قلتله انت شخص جبان وبتهرب من المعركة .. وقسيت عليه بالكلام ، وبعدما طيبت خاطرو .. وعرفتو على نفسي واني انسان عربي واعي بعرف كل اللغات وبحكي كل اللهجات معاشر كل الناس المليح والعاطل والادمي والازعر .. كل الانواع .. اللي بيشتغلوا مزبوط واللي هيك وهيك .. وقلتله اني مستعد ارسم عنه الكاريكاتير . كل يوم وفهمته اني ما بخاف من حدا غير من الله واللي بدوا يزعل يروح يبلط البحر .. وقلتلو عن اللي بيفكروا بالكنديشن والسيارة وشو يطبخوا اكتر من مابفكروا بفلسطين ..

وياعزيزي القارئ .. انا اسف لاني طولت عليك .. وما تظن اني قلتلك هالشي عشان اعبي هالمساحة .. واني بالاصالة عن نفسي وبالنيابة عن صديقي الرسام اشكرك على طول .. وبس ..

التوقيع (حنظلة)

من طرف **عطر الورد** 2010-02-12, 16:08

موضوع رائع وطرح مميز
تحياتي اخي

من طرف **كِـــفا** 2010-02-12, 16:54

حنظلة

الطفل الفلسطيني المشرد

رمز لكل فلسطيني تعذب على أرضه واشاح بوجهه عن واقع اليم

هو حنظلة الفلسطيني بهوية نفتخر بها جميعا

سلمت على طرحك الرااااقي

من طرف **عروس البحر** 2010-02-12, 18:15

موضوع رائع
مشكووور

من طرف **ملك العشاق** 2010-02-12, 22:33

ونعم الاسم

ونعم القرار

الكنعاني طرح جميل

دمت

من طرف **الكنعاني** 2010-02-13, 10:15

جنسيتي: انا مش فلسطيني مش أردني مش كويتي مش لبناني مش مصري مش حدا .. الخ ،باختصار معيش هوية ولا ناوي اتجنس .. محسوبك انسان عربي وبس ..
من غير جنسية يسافر اينما يشاء
لا يحسب في دول الخليج اجنبي بينما الامركي صديق
يمنع دخوله عدة دول عربية لانه فلسطيني
لا يعامل كارهابي من قبل بعض الدول الاجنبيةوكذلك العربية

من طرف **دمعة الم** 2010-02-13, 13:18

اخي الكنعاني

كم هو رائع ذلك التعريف نفتخر به وتعلو هاماتنا شامخة

دمت اخي الكنعاني بجمال ما تقدم

احترامي وتحياتي

من طرف **همسة امل** 2010-02-13, 13:25

نعم حنظلة ذلك الانسان اللا مبالي بما يهم البشر بملبس او مظهر فقط ادار ظهرة لكل التفاهات وافروقات العربية

من طرف **النورس الجريح** 2010-02-13, 21:18

اقولها كما قال الشاعر

سجل انا عربي.....

ورقم بطاقتي خمسون الف ....

واطفالي ثماني ..

وتاسعهم سيأتي بعد صيف

اخي الكنعاني موضوع رائع وتعريف به ميزة

هو نحن

هويتنا نضالنا

وموطننا موطن كل المضطهدين بالعالم

رائع انت

....
ملاحظة تم نقل الموضوع لوردة فلسطين
نورس

من طرف **السنفورة الفلسطينية** 2012-03-10, 17:11

أنا بموت في حنظلة ....لكن للأسف بيضله خيال وبعيد عن الواقع ...

تحيااااااااااااااااااااااااااتي

لكاتب الموضوع

ولحنظلة الثورة

ولناجي العلي

تحياتي الي كل احرار العالم

مشكووووووور علي المعلومات الرائعه القيمة

دمت بود