يرحم ايام زمان أكبرنا مساحه خاصه ل ستي وستك

يسلموا اميرة موضوع كتير حلوا

احلى شي الحكايات متل هيك

الله يرحمهم بس اكتر شي سيدي الله يرحمه كان يحكيلي قصص متل هيك ههه

وكنت انبسط معاه عنجد ايامهم احلى كلها برائة وصدق

سأتابعك بصمت استمري

دمعة الم

لمرورك نكهة خآصة تليق بمعرفك
فشكراً بحجم آلسمآء على هذآ آلآطرآء
كوني بآلقرب دآئماً

عاشقة الفردووس

حضورك هو آلرآئع آخيتي
فلكِ خآلص شكري و تقديري

سنفوره

شكر لك وعلى مرورك الرائع
دمت بخير لنا

يا حامله الجرّه شفتك في المتحف الشعبي ،

مثل القمره ، محبوسه مثل الكنار ،

آخ يا قلب من ها لدنيا ، ضاقت عليك هلقدِ !!

وصرت شقفة آثار !!

وصرت لمّا أشتاق أشوفك ،

أدفع بريزه ، واندحش بين الزوّار ،

زغرتي يمه !!!

صرنا ندفع مصاري ، ونتفرَّج عً الفخار !!

عَ صبيه مثل القمر ، صارت حلم بعيد ،

حلم بيناتنا وبينه فيلفي وقفار ،

قلب بحن لمّبَارح ،

شوق بهب فيه ، لهب ، جمر ونار ،

ساق الله يا يمه لما بقى زمان وبقينا زغار ،



ساق الله عَ أيام الخبيزه والزعتر ،

وفتة عدس ، وصحن رصيص وبصل قنّار ،

وحلم مثل الضوّ يحيي جوّاتنا أمل ،

وميجنا وعتابا وسحجة سُّمّار ،

وشربة ميه مثل البوزه من إبريق الفخَّار ،

ومثاغاة الغنم مرّوحه من المرعى

والمرياع ملزق بالحمار .

ساق الله يا يمه قبل ما صرنا أفنديه

وصار كل إشي يجينا في المواسير ،

وبكبسة زر بنظوي الدار ،

ساق الله يوم بقينا نزرع ونقلع ،

والشلن بقى أبرك من الدينار .

بقت الدنيا دنيا ، والناس ناس ،

والحب مثل لهبة النار

صار الحب مصالح ، وصار السلام مصالح ،

وبطل الجار يعرف الجار ،

يا أسفي عَ الدنيا يا صبيه ،

يا واقفه في المتحف ، حاطّه عَ راسك جرّة فخار ،

دنيا صار الإنسان رخيص ، صار العرض ما بيسوى

وصار متخلف ورجعي اللي بعرف العيب وبغار ،

صارت الحياه قرش ، معك قرش بتسوى قرش ،

ما معك روح إندّار

يا حامله الجره شفتك في المتحف الشعبي ،

مثل القمره محبوسه مثل الكنار ،

سمعت صوت بقطم بلحمي ، بحز عظمي بمنشار ،

اشتقت أشوفك برّات المتحف ،

إشتقت أشوفك عَ طريق العين ،بتتمايلي مثل عود الند ،

كلك دلال ورقه ، كلك حلاوه وبساطه ،

مثل ورق الدفتر لِبْيَض ، ما فيك عُقَد ولا أسرار،

شوفة وجهك بتبعث الأمل بقلب كبر الحزن فيه ،



بحلم بشمة ريحانه ، بشوفة حنّونه ،

عَ وجه الأرض ، مثل دم الزغلول ،

بلعب الهوا فيها ، مرّه يمين بتميل ، ومرّه يسار ،

بقلب يحلم مرَه يضحك ، بفرح مثل النبع يفيض فيه ،

يحس الفرح ولو مرّه ، من غير مجامله ،

بس الفرح !!!! يا كشل عَ الفرح !!!

صار مثل الذهب وزن وعيار ،

وبطل يتلاقى في السوق ،

الظاهر صاروا يخبوه التجار ،

ليوم يموت الفرح ، ويشيعوه بطبله ومزمار .