قصص ستي ...(قصه من قصص التراث الفلسطيني)

قصص ستي
كَــانْ يَـامَـا كَــانْ .. يَـا سَــادَةْ يَــا كِــرَامْ


من قصص التراث الشعبي الفلسطيني

فلسطين بعتت سلام للجميع..
و حكتلي...
قولي لولادي..
اشتقت كتير للقعدات الحلوة..
ضو القمر..و قلوب الحبايب..
و القصص الندية..
و الحكاوي..

تعالوا لنرَجع ايام زمان..

كل يوم قصة ..كل يوم حكاية..
مش لحتى انّام..
عشان يصحى فينا اشي ما بينام..

ليالي كانت في فلسطين..
و قصص نحكيها لنبقى احنا في الوطن عايشين

فلسطين بتسلم عليكم..

و بتقولكم....

كان يا ما كان يا مستمعين الكلام... و ما يحلى الحكي الا بالصلاة على محمد خير الانام...

زيدوا المصطفى صلاة...

هادا يا سادة يا كرام...يا اهل الجود و الإكرام..
كان في...
و لما كان في...كان هناك كل شي..
كان في بلد ما تعرف الشمس غيرها وطن...
و القمر فيها وجه صبية مليحة..
و كان فيها ناس...الحب و الخير فيها اساس..

كان يا ما كان..

وطن...حب...سلام...أمن...شجر...عمر...قمر...

كان يا ما كان..

كان في وطن...اسمه فلسطين...

و يا حبابي يا سامعين...ما في متلها اتنين.
ما بدي اكتر عليكم حكي...

طلع في يوم عليها الصبح...
هجمت الديابه....و ما كانت خيابه..
هجموا على البيوت...على الكروم...ع الخوابي...حرقوا الروابي..
و قلعوا عين الصبية...
و طفوا الشمس...

و صار الشعب الحر ساكن بخيام...
و ما بكي عليهم حد..لانه البكي بده زلام...
و في هالعالم ما كان زلام غيرهم..
سكنوا بالخيام..

ايش ضل بالقصة..!!!

طلعوا عليهم بقصة توطين..و اكياس طحين..
يا ويلي ع المساكين..

طلع فيهم منادي و قال:

يا عالم يا هووووو!!!!!
يا سامعين الصوت..
و رب السما و الدنيا..ترابك يا فلسطين ما يهون.
انا لاجئ ساكن بخيمتى لحتى ارجع او القيامة تقوم..
ما برضى بالذل..
راح ابقى عربي فلسطيني..
عاشق ع طول العمر..
عشقي فلسطيني

يا سامعين الصوت..

انا فلسطيني..
انا فلسطيني..
انا فلسطيني

و هيك يا سادة يا كرام..
صلوا ع المصطفي قبل ما نكمل الكلام..

و بقى الفلسطيني جرح بصدر الزمان..
حامل جروحه و ين ما كان..

لسّه ما بدت القصة لحتى تنتهي..
لسّه الحكي قدام..

بس الفلسطيني و صاني ابلغكم السلام..

و بوصيكم..

ادعولهم..لحتى ربي يفرج الكرب..و يرجعوا زي زمان....
اتمنى انها اعجبتكم هالقصه
تحياتي للجميع


°¨¨¤¦ همس الليل¦¤¨¨°

يسلمووووووووووو خيي النورس على مرورك الرائع
وانشاء الله بترجع هديك الايام
تحياتي للجميع

°¨¨¤¦ همس الليل¦¤¨¨°

يسلموووووووووو بلسم جروحي على مرورك الجميل


تحياتي للجميع
°¨¨¤¦ همس الليل¦¤¨¨°

مشكووووووووووووره دمعه على مرورك الطيب

*** تحـــيـــااااتـــــي ***
همس الليل

همس الليل شكرا الك ع الموضوع الرائع
ان شاء الله بتتحرر فلسطين
وبيرجع وطنا متل ما كان واحسن

يسلموووووووووووووووووو علوووووووووووش,كازانوفا
كازانوفا الله يبارك فيك
مشكورين على مروركم الرااااائع
تحياتي لكم
همس الليل