الشباب لما يدخلوا على الجامعة

من طرف **السنفورة الفلسطينية** 2010-12-13, 11:54

رح نعلق سوى ع الشباب لما يدخلو ع الجامعة

تعالو انشوف مع بعض كيف بيقلب حالهم تلات مية وستين درجة

يلاااااااااااا انبلش

بصير الشب على 40 قيراط .. كل شيء فيه بلمع .. وطبعا بصير يحط على رأسه نص كيلو جل .. بمرق عنك زي كأنه قنينة عطر مكسورة جمبك

2 بصير كل أسبوع يحلق شعره الله يرحم ليلة العيد لمه تكون عيدين

3 بيصير يرمي السيجاره وهي بنصها .. قال يعني ناس هاي كلاس .

4 بتحول من قدرة قادر من قائد الثورة والوطنية لـ أبو الفن والرومانسية والحزن .

5 بيصير كلامه .. هاي ،، مرحبا ،، صباح الخير ،، مامي ،، بابي ،، أهوه ،، نس " بيدلع المصدي أخينا .

6 ما بصير ياكل الا سكلوب و تركي.. الله يرحم أيام الفلافل .

7 بيصير يتحمم كل يوم .. ووين راح اليوم الي بصير في احتفال اضخم من احتفال يوم الاستقلال لمه يتحمم ( يوم كان كل أسبوع يتحمم و ابصر يمكن كل شهر)

8 بتنقلب نكات نيمه بالمسنجر والشات واسم ايميله من .. مجرم حرب ، دمار شامل ، عوكل ، فهد فلسطين ، صقر الكتايب ، الى ملاك الحزن ،، اسير الحزن .

9 طبعا قدام جمعة بنات لمه تنجاب سيرة الامتحان .. بده يحلي اذا نجح الأخ بصير يدرس بس عشان ينجح ويحلي " هااهاهاهاهاها .

10 حلال مشاكل الشعبه ،.. بيصير القائد تبع الشعبه ،، بده يعلق دوام .. بده يحل مشكلة فلانه ومشكلة علنتانه ،، كله نخوه أبو الشباب مهو

11- طبعا ببطل يعرف الكولا اللي طعمها زي الصدا .. بس قهوه ومي معدنيه و و موكاتشينو

12 ما بنقطع من جيبته الكلنكس " الفاين او ورق المحارم " الله يرحم شوالات الخييييش " شوالات الخيش نوع من انواع الشوالات تستخدم لتخزين العلف " ه

13- طبعا ولاعة السجاير .. حديد نوع فاخر لا تقل عن دينارين .. وين ايام الكحاته او الكبريته يا خال ..؟؟

14 بيتحمس وبيصير يناقش بالمحاضر ( قال يعني بفهم أكثر منه ) الله وكيلكم الي بشوفه بفكره افلاطون بعث من جديد هيهي .. الله يرحم ايام ما كان بالمدارس ينام بالصف من الساعه 8 للساعه 1 .

15 وبعدين بدخل الجامعه وزنه 170 كيلو .. اعطيه 3 شهور بس ... بصير وزنه 80 .

16 الأماكن .. هاي قصتها قصه .. الشب بفوت ع ه الكليه بحبله بنت كييين صار يسمع اغنية الاماكن .،
. ولك يا عديم الاحساس يا لوح الأماكن محمد عبده بغني لبنت ماتت ... شو بتغني فيها وبتسمع فيها حل عني

وطبعا بصير كثير شغلات بس هدول الي مذكرهم اليوم .. قلة فرح
وهيك بنكون خلصنا

يعني حكينا وماقصرنا

منيح هيك يا بنات بس ماتشمتواااااااااااااااااا
هاد لعيونكم بس والله

ههه

من طرف **ريناد** 2010-12-13, 12:01

حلو سنفورة
يسلمو ايديك

من طرف **السنفورة الفلسطينية** 2010-12-13, 12:02

العفوووووووو
حبيبتي

من طرف **النورس الجريح** 2010-12-13, 12:44

سنفورتنا نزلت فينا شمال

ان شا الله بنشوفك بالجامعة

تؤبر البي الصبية منكن

بتبطل تعرف الشوال يلي بتلبسو

كلو بتحول لجينز واصات ما بيعلم فيها غير الله

بتخلي الشب ماشي وعسماعو بابي جابلي موبايل جديد

والا اسماء البلوتوثات

قاهرتهم ... ملوعة الشباب ... القطة الشرسة

والخ

بعدين لما تفوت عالكافتيريا بتحكي لصاحبيتها

دئيلي

مو رني علي بدي اياك

ولما تدئلا

بتفصل هي طبعا

بتحمل جوالا وبتطلع برة لانو ما في مكالمة اساسا

ولدي الكثير

***********************

شكرا سنفورة

موضوع رائع

من طرف **عذراء الحب** 2010-12-13, 13:00

حلوة كتير سنفورة

له له له له يانورس

إحنا بنعمل العمايل هاي

بجد إهانة لإلنا

ماقصرتي سنفورة

من طرف **ملكة الاحساس** 2010-12-13, 13:15

هههه

نورس والسنفوره

والله التنين ما قصرتواا ببعض

ان شاء الله الكل بفوت الجامعه ومنشوف الاشي حقيقه ولا لا

يسلمو كتيير حلو

من طرف **السنفورة الفلسطينية** 2010-12-13, 14:37

انشالله ملكة الاحساس نورتي
عذراء الحب منورة يا عسل

النورس الجريح
والله مني عارف شو بدي أحكي
أصلا البنت من الله ناعمة ودلوعة اما الشباب همة بيعملوا حالهم هيك قولتك ليش ؟
منور نورس